“Ulduz” jurnalının yeni nömrəsində...
Bakı, 26 may, AZƏRTAC
“Ulduz” jurnalının may nömrəsi çapdan çıxıb.
AZƏRTAC xəbər verir ki, bu nömrə Ay Bəniz Əliyarın özü ilə söhbəti və şeirləri ilə açılır.
Jurnalın “Nəsr” bölümü İlqar Rəsulun “Hava limanı”, “Mamam”, Sabir Etibarlının “Gəlmə”, Orxan İsmayılovun “İlk əməliyyat”, Tural Turanın “Anamın vəsiyyəti”, Ülkər Yusifovanın “Çəhrayı xatirə”, “Yuxusuzluq”, Fidan Vahidin “Əyri kölgə”, Nadir Qocabəylinin “İydə ağacı” hekayələrini təqdim edir.
“Şeir vaxtı”nda Tural Cəfərli, Sevinc Qərib, Aynur Haqverdi, Zöhrab Mehdi, Firəngiz Sabirqızı, Elsevər Məsim və Reyhan Kənanın şeirləri yer alır.
Qulu Ağsəsin “Qəza törədən “Təcili yardım” essesi də may nömrəsinin maraqlı yazılarındandır. Elxan Yurdoğlu Naxçıvan ədəbi mühitindən üç xanımın – Aytəkin Səfərəliyeva, Qəmər Sözay və Leyla Səfərovanın yaradıcılığından nümunələri təqdim edir.
“Tribuna”da “Mümtaz ömrünün dolanbacları” yazısı ilə filologiya elmləri doktoru, professor Asif Rüstəmli, “Rus gəmisində intihar”: seçim, vicdan və susmamaq” yazısı ilə İlham Tahirovdur.
AYB-nin Aran bölməsinin sədri Sərvaz Hüseynoğlunun təqdimatında Selcanın “Çapıq” hekayəsi oxucuların ixtiyarına verilib.
Hacıbala Mahmudov “Debüt”də yeni şeirləri ilə oxucuların görüşünə gəlib. “Dərgidə kitab” Kamil Şahverdinin “Bir daha himnimiz haqqında” 6-cı yazısını təqdim edir.
“Dərgidə sərgi”də bu dəfə Günəş Kərimin rəsm əsərlərini yer alıb.
Bölmənin digər xəbərləri
