UNEC ilə “Google Developer Groups” tərəfdaş oldu
Bakı, 10 dekabr, AZƏRTAC
Azərbaycan Dövlət İqtisad Universitetinin UNEC İnnovativ Gənclər Təşkilatı “Google Developer Groups” (GDG) ilə tərəfdaş olub.
UNEC-dən AZƏRTAC-a bildirilib ki, tələbələr GDG Azərbaycan tərəfindən təşkil olunan tədbirlərdə iştirak etmək, eləcə də texnoloji yeniliklər və trendlər barədə biliklərini artırmaq imkanı əldə edəcəklər.
Həmçinin “Google”un proqramçılar və texnologiya həvəskarları üçün təşkil etdiyi qlobal şəbəkə ilə əməkdaşlıq tələbələrə mühüm beynəlxalq layihələrdə iştirak etmək, komanda işində təcrübə qazanmaq və innovativ həllər üzərində işləmək şansı verəcək, onlara qlobal texnologiya icmaları ilə tanış olmaq fürsəti yaradacaq.
Bölmənin digər xəbərləri
