Ürəyi qorumağın 5 əsas yolu
Bakı, 3 oktyabr, AZƏRTAC
Ürək-damar xəstəlikləri dünyada ölümün əsas səbəblərindən biridir. Amma yaxşı xəbər odur ki, gündəlik vərdişlərdə kiçik dəyişikliklər etməklə ürəyi qorumaq mümkündür.
Bu barədə AZƏRTAC-a Azərbaycan Qida Təhlükəsizliyi Agentliyinin (AQTA) İnformasiya təminatı və innovativ həllər şöbəsindən məlumat verilib.
Bildirilib ki, ürəyi qorumağın 5 əsas yolu var. Belə ki, ilk növbədə, siqareti tərgitmək lazımdır. Belə olduqda, risk ilk gündən azalır. Müntəzəm olaraq, gündə 30–60 dəqiqə hərəkət etmək lazımdır. Sağlam qidalanmaq (meyvə, tərəvəz, paxlalı, balıq, tam taxıllar və faydalı yağlar), keyfiyyətli yuxu (vaxtında və kifayət qədər yatmaq) da əsas tələblərdən biridir. Artıq çəki də ürək üçün təhlükəlidir.
“Yadda saxlayın: Sağlam ürək sağlam vərdişlərdən başlayır!”, - deyə məlumatda vurğulanıb.
Bu barədə daha ətraflı məlumatla linkdə tanış ola bilərsiniz.
Bölmənin digər xəbərləri
