CƏMİYYƏT
UŞAQLARIN BAYRAMI
Sumqayıtda 1 iyun Uşaqları Beynəlxalq Müdafiə gününə həsr olunan böyük tədbir keçirilmişdir. Onu şəhər xalq təhsil şöbəsi və Gənclər, idman və turizm idarəsi təşkil etmişdi.
Kimyaçıların Üzeyir Hacıbəyov adına mədəniyyət sarayı uşaqların sərəncamına verilmişdi. Şəhər İcra Hakimiyyətinin başçısı Təvəkkül Məmmədov uşaqları, tərbiyəçiləri, valideynləri bayram münasibətilə təbrik edərək, Azərbaycan Prezidenti Heydər Əliyevin böyüməkdə olan nəslin tərbiyəsinə və inkişafına göstərdiyi böyük qayğıdan danışdı. O ümidvar olduğunu bildirdi ki, yaşlılar hər bir körpənin respublikamızın sağlam, xöşbəxt və ləyaqətli vətəndaşı olması və ümidləri doğrultması üçün əllərindən gələni edəcəklər.
Məktəbəqədər müəssisələrdə tərbiyə alan uşaqların göstərdikləri geniş və rəngarəng proqram mərasimə toplaşanlara sevinc bəxş etdi. Sarayın foyesində isə gül-çiçək sərgisi nümayiş etdirilirdi.
Asfalt üzərində “Biz sülh istəyirik” mövzusunda uşaq rəsmləri müsabiqəsi də böyük maraq doğurdu.
Axırda üşaqlara bayram münasibətilə gözəl oyuncaqlar, habelə akvarel rəngləri, plastilin və s. hədiyyələr edildi.