VAHƏLƏR YOX OLA BİLƏR

18.09.2006 [16:20]
Çap et
A⁺ A^-

AZƏRTAC xarici KİV-lərə istinadla xəbər verir ki, dünyanın ekspert və alimləri yaxın vaxtlarda Yer üzündən vahələrin yox olacağından ehtiyat edirlər. Bu barədə Mərakeşdə keçirilən “Səhralaşma şəraitində vahələrin gələcəyi” mövzusunda beynəlxalq konfransda danışılmışdır. Bildirilmişdir ki, müxtəlif mənfi amillərin qarşılıqlı təsiri nəticəsində son on ildə bu nadir “həyat adaları”nın çoxu yox olmuşdur.

Konfrans iştirakçılarının fikrincə, ilbəil pisləşən ekoloji və sosial vəziyyət vahələr və dünyanın digər nadir ekosistemləri üçün təhlükə yaradır. Mütəxəssislər vahələrə təsir göstərən mənfi amillər arasında torpağın eroziyası və gücdən düşməsi, səhralaşma, su və torpaq ehtiyatlarından səmərəsiz istifadə, tarixən vahələrdə yaşamış ənənəvi sosial qrupların dağılmasını diqqətə çatdırmışlar.

Dünya birliyini vahə fenomeninin nadir təbii və mədəni irsini qoruyub saxlamağa çağıran alimlər bildirmişlər ki, bu, planetimizin sivil, ahəngdar və sabit inkişafının təminatıdır.

VAHƏLƏR YOX OLA BİLƏR

MÜƏLLİFLƏ ƏLAQƏ

Bölmənin digər xəbərləri