VELOTURİSTLƏR AZAD EDİLDİLƏR
AZƏRTAC-ın xəbər verdiyi kimi, İrana velosipedlərdə səyahətə çıxan iki almaniyalı və bir irlandiyalı turist dekabrın 2-də narkotik maddə alverçilərindən ibarət quldur dəstəsi tərəfindən oğurlanmışdı. Təhlükəsizlik İdarəsi və Daxili İşlər Nazirliyi qüvvələrinin birgə əməliyyatı nəticəsində bir neçə gün əvvəl cinayətkarların izinə düşmək və girovları azad etmək mümkün olmuşdur. Bu barədə xəbər verən xarici işlər naziri Kamal Xərrazi demişdir ki, turistlər özlərini yaxşı hiss edirlər.
Xatırladaq ki, veloturistlər Kirman şəhərindən Zahidana gedərkən oğurlanmışdılar. Cinayətkarlar onları buraxmaq üçün 5 milyon avro tələb edirdilər. Lakin İran hökuməti cinayətkarların tələbini qəti şəkildə rədd etmişdi və bunu belə əsaslandırırdı ki, ona razılaşsa, bu cür cinayət gələcəkdə də təkrar edilə bilər.
Bölmənin digər xəbərləri
