VII FƏSİL
VII. Statistik informasiyaların yığılması, işlənməsi, saxlanması və yayılması sisteminin yeniləşdirilməsi
Sıra №-si | Tədbirin adı | Tədbirin məqsədi | Gözlənilən nəticələr | İcraçı təşkilatlar | İcra müddəti |
7.1. | Məlumat texnologiyası tələblərinin dövlət statistika orqanları sistemində həyata keçirilməsi | Statistika sisteminin bütün səviyyələrində elektron məlumat mübadiləsinə nail olunması | Korporativ məlumat şəbəkəsinin mövcudluğu, informasiya-hesablama sisteminin inkişafının texniki layihəsinin layihə-texnoloji həllinin bütün statistika sistemində tətbiqi | Dövlət Statistika Komitəsi | 2012-ci il |
7.2. | Müasir hesablama infrastrukturunun fəaliyyətinin səmərəliliyini yüksəltmək məqsədilə standart proqram təminatı paketlərinin və texniki vəsaitlərin alınması | Statistika sahəsində mütərəqqi informasiya-kommunikasiya texnologiyalarının praktikada tətbiqi | Dövlət Statistika Komitəsi sistemində müasir informasiya-kommunikasiya texnologiyalarının tətbiqini təmin edən müasir texniki və lisenziyalı proqram (SPSS, SAS və s.) vasitələrinin mövcudluğu | Dövlət Statistika Komitəsi | 2008-2012-ci illər |
7.3. | Statistik məlumatların yığılması, saxlanması, yayılması və təhlili üçün yeni informasiya və telekommunikasiya texnologiyalarından istifadə edilməsi | Statistik məlumatların yığılması, işlənməsi və yayılması sisteminin inkişaf etdirilməsi | İstifadəçilərə məlumatların buklet, çevik səhifə, nəşr materialları, WEB-səhifə vasitəsilə çatdırılma imkanlarının mövcudluğu | Dövlət Statistika Komitəsi | 2008-2012-ci illər |
7.4. | İlkin statistik məlumatların konfidensiallığının təmin edilməsi və saxlanmasının avtomatlaşdırılmış texnologiyasının işlənib hazırlanması və tətbiqi | İlkin məlumatların və serverlərdə yerləşən məlumat bazalarının tam qorunmasına nail olmaq | İlkin statistik məlumatların konfidensiallığının təmin edilməsi üzrə elektron sistemin mövcudluğu | Dövlət Statistika Komitəsi | 2009-cu il |
7.5. | Statistika orqanlarına daxil olan informasiya üzrə (hesabat, müayinə, sorğu, monitorinq və digər məlumatlar) məlumat bazasının yaradılması və inkişaf etdirilməsi | Statistika orqanlarına daxil olan informasiyanın sistemləşdirilməsi və vahid şəkildə idarə edilməsi | Statistikanın bütün sahələri üzrə məlumat bazalarının mövcudluğu | Dövlət Statistika Komitəsi | 2010-cu il |
7.6. | Dövlət orqanlarının informasiya texnologiyaları şəbəkələrinə qoşulmasının təşkili | İnternetdən istifadə imkanlarının artırılmasına nail olunması | Dövlət idarəetmə orqanları arasında çevik məlumat mübadiləsinin mövcudluğu | Dövlət Statistika Komitəsi, Rabitə və İnformasiya Texnologiyaları Nazirliyi, Xüsusi Dövlət Mühafizəsi Xidməti | 2008-2010-cu illər |
7.7. | Məlumat bazasının inkişaf etdirilməsi və JAVA texnologiyasına əsaslanan “imtiyazlı müştəri” üsulunun tətbiq edilməsi | Rayon və şəhər statistika orqanlarında proqram vasitələrindən istifadə imkanlarının artırılması | Metodoloji göstəricilərdən istifadə imkanlarının mövcudluğu | Dövlət Statistika Komitəsi | 2009-cu il |
7.8. | Bölgələrdə bir çox ərazi vahidlərini birləşdirən məlumat şəbəkələrinin qurulması və digər texniki vasitələrlə bu mərkəzlərin təmin edilməsi | Altsəviyyələrdə məlumat mübadiləsi və bölgə üzrə yekunların əldə edilməsi imkanlarının artırılması | Bölgələrin mərkəzlərində qurulmuş məlumat şəbəkələrinin mövcudluğu | Dövlət Statistika Komitəsi | 2011-ci il |
7.9. | Məlumatın işlənməsində yeni texnologiyaların tətbiqinə nail olmaq üçün statistika sisteminin avadanlıqlarının yeniləşdirilməsi | Müasir texnologiyaların tətbiqinə və kadr potensialının səviyyəsinin artırılmasına nail olunması | Statistika sisteminin bütün struktur vahidlərinin yeni avadanlıqlarla təchiz edilməsi, yeni texnologiyaların tətbiqi imkanlarının mövcudluğu | Dövlət Statistika Komitəsi | 2008-2012-ci illər |
7.10. | Dövlət Statistika Komitəsinin elektron kitabxanasının yaradılması | Müasir texnologiyaların tətbiqi, statistik nəşrlərdən istifadənin asanlaşdırılması | Bütün istifadəçilərin elektron kitabxana resurslarına internet vasitəsilə sərbəst və pulsuz girişi | Dövlət Statistika Komitəsi, Rabitə və İnformasiya Texnologiyaları Nazirliyi | 2009-2010-cu illər |