Viktor Orban: Məqsədimiz Avropa İttifaqında iqtisadi artımın orta sürətini qabaqlamaqdır
Budapeşt, 27 iyun, AZƏRTAC
Macarıstanın Baş Naziri Viktor Orban iyunun 27-də parlamentdə çıxışında hökumətin yeni iqtisadi proqram işləyib hazırlamaq planlarını açıqlayıb. Proqrama görə, ölkə Aİ üzrə iqtisadi artımın orta sürətini qabaqlamalıdır.
AZƏRTAC xəbər verir ki, V.Orban hökumət qarşısında 2 faiz irəliləməyə nail olmaq məqsədi qoyub. Onun sözlərinə görə, “iqtisadi sahədə son nailiyyətlər saxlanılmalıdır, qarşıya qoyulan məqsəd isə tamamilə realdır”.
Baş Nazir qeyd edib ki, Aİ-də ümumi artım sürətinin düşməsi fonunda Macarıstan iqtisadiyyatı uğurla inkişaf edir. Tezliklə hökumət yeni iqtisadi plan təqdim edəcək.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
