VİLNÜSDƏ ZİRVƏ GÖRÜŞÜ KEÇİRİLƏCƏK
AZƏRTAC Beynəlxalq İnformasiya Agentliyinə istinadla xəbər verir ki, mayın 4-5-də Vilnüsdə Baltikyanı ölkələrin və Qara dəniz hövzəsi ölkələri prezidentlərinin zirvə görüşü keçiriləcəkdir. Görüşdən məqsəd region dövlətləri Rusiya, Avropa İttifaqı və HATO ölkələri arasında dialoqun yeni formalarını hazırlamaqdır. Görüş həmin ölkələrdə demokratikləşmə proseslərinə və onların arasında əməkdaşlığın möhkəmləndirilməsinə həsr olunacaqdır.
Tədbirdə Azərbaycan, Litva, Latviya, Estoniya, Polşa, Ukrayna, Moldova, Bolqarıstan, Rumıniya, Gürcüstan, Almaniya, Skandinaviya ölkələri prezidentlərinin, habelə Rusiya və Türkiyənin yüksəkvəzifəli nümayəndələrinin iştirakı gözlənilir. Aİ-nin xarici siyasət və təhlükəsizlik məsələləri üzrə ali nümayəndəsi Xavyer Solana da foruma rəsmi dəvət almışdır.
Bölmənin digər xəbərləri
