“Virtual məktəb”də təqvim cədvəlləri yenilənir
Bakı, 13 yanvar, AZƏRTAC
2020-2021-ci tədris ilinin II yarımilinin başlaması ilə əlaqədar yanvar ayının sonunda “Virtual məktəb”də müəllim və şagird təqvimləri yenilənəcək.
Təhsil Nazirliyindən AZƏRTAC-a bildirilib ki, təqvimlər yeniləndiyi tarixdən sonrakı bütün tədbirlər silinəcək. Məqsəd platformada təqvim yüklülüyünün azaldılması və nəticədə istifadə rahatlığının artırılmasıdır.
Fevral ayından etibarən təqvimin düzgün idarə edilməsi məqsədilə müəllimlərdən dərs görüşlərini yaradarkən ümumi və regional qrupları deyil, tədris etdikləri sinfin müvafiq fənn kanalını seçdiklərindən əmin olmaları xahiş olunur. Dərs görüşləri məktəb rəhbərliyi və ya sinif rəhbəri tərəfindən deyil, fənn müəllimi tərəfindən yaradılmalıdır.
Bölmənin digər xəbərləri
