V.PUTİN ÇEÇENİSTANIN MƏRHUM PREZİDENTİNİN ARZUSUNU HƏYATA KEÇİRDİ
AZƏRTAC-ın Moskvadan aldığı xəbərə görə, Rusiya Prezidenti Vladimir Putin Qroznıda terror aktı nəticəsində həlak olmuş Çeçenistan Prezidenti Əhməd Qədirovun doğumunun 53-cü ildönümü ərəfəsində onun məzarını ziyarət etmişdir. Sonra o, Soçidə Çeçenistan Respublikasının prezidenti vəzifəsinə əsas namizəd Alu Alxanovla və mərhumun oğlu Ramzan Qədirovla görüşmüşdür.
Dövlət başçısı Çeçenistan neftinin xaricə satışından əldə edilən gəliri respublikanın büdcəsinə yönəltmək ideyasını dəstəkləmişdir. Mərhum Ə.Qədirov məhz buna çalışırdı. Rusiya Prezidentinin bu qərarından ruhlanan Çeçenistan Baş nazirinin müavini Ramzan Qədirov öz doğma diyarını qısa müddət ərzində Rusiyada ən sakit respublikaya çevirməyə söz vermişdir.
Bölmənin digər xəbərləri
