X X X
Prezident İlham Əliyevin xeyir-duası ilə olimpiyaçılar Azərbaycanın Dövlət bayrağının altından keçdilər.
Dövlətimizin başçısı idmançılarla xatirə şəkli çəkdirdi.
X X X
Milli Olimpiya Komitəsinin baş katibi, Azərbaycan Boks Federasiyasının prezidenti Ağacan Abiyev ölkəmizdə boksun inkişafına göstərdiyi diqqət və qayğıya görə Prezident İlham Əliyevə təşəkkür edərək, onun oğlu balaca Heydərə Olimpiya oyunlarında iştirak edəcək boksçularımızın imzası ilə hədiyyə, habelə bu yaxınlarda yeniyetmə idmançıların Koreyada keçirilmiş dünya çempionatında qazandıqları suvenir medalı və bu ilin may ayında Bakıda keçirilmiş “Heydər Əliyev kuboku” yarışının mükafatını - üzərində ümummilli liderimizin şəkli olan diplomu təqdim etdi.
Mərkəzi Ordu İdman Klubunun rəhbəri polkovnik Natiq Əliyev son illər ərzində ölkəmizdə idman sahəsində qazanılan müvəffəqiyyətlərə görə dövlətimizin başçısı İlham Əliyevə minnətdarlığını bildirdi və MOİK-in fəxri diplomunu təqdim etdi.
Prezident İlham Əliyev şahmatçılarla və əlil idmançılarla da səmimi görüşdü. Azərbaycan Prezidentinə məlumat verildi ki, Afina olimpiadası başa çatdıqdan dərhal sonra keçiriləcək Paralimpiya oyunlarında bu idmançılar respublikamızı təmsil edəcəklər. Dövlətimizin başçısı paralimpiyaçıların problemləri ilə maraqlandı, toxunulan bəzi məsələlərin həlli üçün müvafiq tapşırıqlar verdi.
Azərbaycan rəhbəri bütün idmançılara bir daha uğurlar dilədi, böyük qələbələr arzuladı.
Sonra Prezident İlham Əliyev gənclərin və yeniyetmələrin idmanın müxtəlif növləri üzrə maraqlı çıxışlarına tamaşa etdi. Burada Azərbaycan Alpinist Klubunun rəhbəri Saridan Mursaqulov üzərində “Tyan-Şan dağ silsiləsi - “Azərbaycan zirvəsi” sözləri yazılmış diplomu Prezident İlham Əliyevə təqdim edərək bildirdi ki, Tyan-Şan dağlarının 5 min metr hündürlüyündəki “Azərbaycan” zirvəsini fəth edən bir qrup alpinistimiz iyunun 28-də burada dövlət bayrağımızı sancmış və ümummilli liderimiz Prezident Heydər Əliyevin büstünü ucaltmışdır. Böyük öndərin büstü ilk dəfədir ki, belə yüksək zirvədə ucaldılır. Zirvənin fəthində Azərbaycan alpinistləri ilə yanaşı, Qırğızıstan idmançıları da iştirak etmişlər.
Sonra incəsənət ustalarının iştirakı ilə olimpiyaçıların şərəfinə konsert oldu.
Azərbaycan Prezidenti ailə üzvləri ilə birlikdə konsertə baxdı.
Milli Məclisin sədri Murtuz Ələsgərov, Baş nazir Artur Rasizadə, Prezident Administrasiyasının rəhbəri Ramiz Mehdiyev və digər rəsmi şəxslər mərasimdə iştirak edirdilər.
Bölmənin digər xəbərləri
