X X X
Sonra dövlətimizin başçısı stansiya ilə yaxından tanış oldu, burada quraşdırılmış müasir avadanlığa, bloklara baxdı.Bakı elektrik stansiyası Prezident İlham Əliyevin əhalinin və iqtisadiyyatın elektrik enerjisi ilə təminatını yaxşılaşdırmaq, payız-qış mövsümlərində müşahidə olunan enerji çatışmazlığını tez bir zamanda aradan qaldırmaq məqsədi ilə “Azərbaycan Respublikasında elektrik enerjisi təminatının yaxşılaşdırılması ilə bağlı əlavə tədbirlər haqqında” 2005-ci il mayın 2-də imzaladığı Sərəncama uyğun olaraq tikilmişdir. Respublikamızın regionlarında ümumi gücü 450 meqavat olan 5 elektrik stansiyasından biri kimi Bakı elektrik stansiyasının tikintisinə 2006-cı ilin iyul ayında başlanmışdı. Tikintinin baş podratçısı Finlandiyanın “Vartsila Finlyand OY” şirkəti, elektrik avadanlığı üzrə 
subpodratçı İsveçrənin “ABB” şirkəti, tikinti işləri üzrə subpodratçı isə Azərbaycanın “Azenko” şirkətidir.
subpodratçı İsveçrənin “ABB” şirkəti, tikinti işləri üzrə subpodratçı isə Azərbaycanın “Azenko” şirkətidir.“Azərenerji” Səhmdar Cəmiyyətinin prezidenti Etibar Pirverdiyev dövlətimizin başçısına məlumat verdi ki, ümumi gücü 104 meqavat olan stansiyada hər biri 8,7 meqavatlıq 12 ədəd porşen tipli aqreqat quraşdırılmışdır. Stansiyada dünya standartlarına cavab verən ən müasir avadanlıqdan istifadə olunmuşdur. Elektron idarəetmə sistemi mühərriklərin istismarını daha da asanlaşdırır, onlar qısa müddətdə işə salına və dayandırıla bilər. İstehsal zamanı atmosferə buraxılacaq tullantıların həcmi minimumdur. Bir kilovat-saat elektrik enerjisi hasil etmək üçün 0,23 kubmetr qaz və 
ya 267 qram şərti yanacaq sərf olunacaqdır. Stansiyanın işləməsi üçün 6 atmosfer təzyiqlə təbii qazın verilməsi kifayətdir. Bu, buxar-qaz qurğularına verilən qazın təzyiqindən 4 dəfə azdır. Stansiyada ümumi gücü 160 meqavolt-amper olan 4 transformator quraşdırılmışdır.
ya 267 qram şərti yanacaq sərf olunacaqdır. Stansiyanın işləməsi üçün 6 atmosfer təzyiqlə təbii qazın verilməsi kifayətdir. Bu, buxar-qaz qurğularına verilən qazın təzyiqindən 4 dəfə azdır. Stansiyada ümumi gücü 160 meqavolt-amper olan 4 transformator quraşdırılmışdır.Bildirildi ki, Bakı elektrik stansiyasını ənənəvi üsulla tikilən stansiyalardan fərqləndirən bir cəhət də burada qapalı soyutma, stasionar yanğınsöndürmə, mühərriklərin avtomatik olaraq yağla doldurulması sistemlərinin yaradılması və fövqəladə hallar üçün nəzərdə tutulmuş 230 kilovatlıq generatorun olmasıdır.
Stansiyada ümumi sahəsi 700 kvadratmetr olan inzibati bina tikilmiş, 1100 metr daxili drenaj kanalı, texniki və içməli su təchizatı üçün 1150 metr su xətti, 2 kilometr uzunluğunda 110 kilovoltluq elektrikötürmə xətləri, 500 metrlik qaz xətti çəkilmişdir. Stansiyanın faydalı iş əmsalı 46 faizdir və ildə 700 milyon kilovat-saatdan çox elektrik enerjisi istehsal etməyə imkan verəcəkdir.
İkimərtəbəli inzibati binada xidməti otaqlar və fəhlə yeməkxanası da yerləşir. İdarəetmə binasında isə qonaq otaqları da vardır. Tikinti müddətində burada 500 nəfərədək işçi çalışmışdır. Stansiyanın işçi heyəti isə 100 nəfərdən çox olacaqdır.
Dövlətimizin başçısı kompyuterin düyməsini basaraq, elektrik stansiyasını işə saldı.
Sonra Prezident İLHAM ƏLİYEV buraya toplaşan inşaatçılarla görüşdü və onlara təşəkkür edərək dedi:
- Sizi stansiyanın açılışı münasibətilə təbrik edirəm. Çox gözəl stansiyadır. Azərbaycanda son bir il ərzində tikilən modul tipli beşinci stansiyadır və bizim energetika sistemimizi möhkəmləndirir. Bu onu göstərir ki, Azərbaycanın çox güclü potensialı var. Əgər biz bir il ərzində 5 stansiyanı işə salmışıqsa, deməli, istənilən məsələni həll edə bilərik. İndi də mən məqsəd qoymuşam ki, gərək qısa müddət ərzində bütün energetika sistemində yenidənqurma işləri aparılsın. Yeni xətlər çəkilməlidir. Stansiyalar kifayət qədər tikilibdir. İndi Sumqayıtda da tikilir, Bakıda, Səngəçalda tikiləcəkdir. Biz indi əsas gücümüzü xətlərin bərpasına və yenidən çəkilməsinə, transformatorların dəyişdirilməsinə yönəltməliyik. Bütün bu işlərə böyük ehtiyac var. Çünki əfsuslar olsun, indiyə qədər bu sahəyə böyük diqqət göstərilməyibdir. Azərbaycanın, Bakının elektrik şəbəkəsini işlədən xarici şirkət, faktik olaraq, bizim enerjipaylayıcı sistemimizi bərbad vəziyyətə salmışdır. İndi bunu yenidən qurmalıyıq, böyük vəsait ayrılıbdır. Ümid edirəm ki, 2007-2008-ci illərdə bütün enerji təsərrüfatımız tam şəkildə ən yüksək səviyyəyə qalxacaqdır. Bunu etmək üçün imkan var, biz maliyyə vəsaiti ayırırıq. Bu stansiyaların tikintisinə 100 milyonlarla vəsait ayrılıbdır. Bunu növbəti illərdə də edəcəyik. Elə etməliyik ki, Azərbaycanda elektrik enerjisi təminatı ilə heç bir problem olmasın. Bizim tələbatımız artır, yeni müəssisələr, fabriklər işə düşür, əhali artır və hər yerdə işıq olmalıdır. Düzdür, son illər ərzində bu sahədə böyük irəliləyiş var, amma bu bizi tam şəkildə qane etmir. Ona görə bunu əsaslı şəkildə etməliyik. Bizim uzunmüddətli proqramımız var, bu yaxınlarda qəbul edilibdir. İndi əsas məsələ o proqramın icrasıdır və biz buna nail olmalıyıq. Bunu da edəcəyik, çünki maliyyə imkanlarımız artır.
Sizə də, bu tikintidə iştirak etmiş bütün insanlara təşəkkür edirəm ki, qısa müddət ərzində belə gözəl stansiya yaratmış, Bakı əhalisinin sərəncamına vermisiniz. Arzu edirəm ki, burada səmərəli işləyəsiniz və ölkəmizin güclənməsinə bundan sonra da töhfənizi verəsiniz. Sizi bir daha təbrik edirəm. Sağ olun.
Bölmənin digər xəbərləri
