Xalq öz şəhidlərini unutmur
Bakı, 17 yanvar (AZƏRTAC). Yanvarın 17-də Cəfər Cabbarlı adına Azərbaycan Dövlət Teatr Muzeyində “20 Yanvar-xalqımızın qan yaddaşıdır” mövzusunda tədbir keçirilmişdir.
AZƏRTAC xəbər verir ki, “20 Yanvar” Cəmiyyətinin sədr müavini Mustafa Əliyev, muzeyin əməkdaşı Nurlanə Cəlilova və başqaları o qanlı gecədən 24 il keçməsinə baxmayaraq 20 Yanvar faciəsinin qurbanlarının xalqımızın ürəyində açdığı yaranın hələ də sağalmadığından söhbət açmışlar.
Bildirilmişdir ki, xalq öz şəhid övladlarını unutmur, onların xatirəsini uca tutur.
Sonda Bakıdakı 212, 44 və 53 nömrəli orta məktəblərin şagirdlərinin ifasında şəhidlərə həsr olunmuş şeirlər, Asəf Zeynallı adına Musiqi Kollecinin şagirdlərini ifasında isə musiqi parçaları səsləndirilmişdir.
Bölmənin digər xəbərləri
