Xankəndidə silah-sursat aşkarlanıb
Bakı, 2 mart, AZƏRTAC
Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir.
Daxili İşlər Nazirliyinin mətbuat xidmətindən AZƏRTAC-a verilən məlumata görə, polis əməkdaşlarının keçirdikləri tədbirlərlə ötən gün Xankəndi şəhəri ərazisində müxtəlif markalı 15 avtomat silahı, 2 pulemyot, 1 tapança, 2 tüfəng, 22 qumbara, 12 alışdırıcı, 46 patron darağı, müxtəlif çaplı 1655 patron və digər sursatlar aşkarlanıb.
Martın 1-də polis əməkdaşlarının keçirdikləri əməliyyat tədbirləri ilə qanunsuz saxlanılan müxtəlif markalı 8 tüfəng aşkar edilərək götürülüb.
Bölmənin digər xəbərləri
