XARİCİ İŞLƏR NAZİRLİYİNDƏ GÖRÜŞ
XİN-ın mətbuat mərkəzindən AZƏRTAC-a daxil olmuş məlumatda deyilir ki, səfir Klaus Qrevlix Azərbaycanda işlədiyi müddətdə ona göstərilmiş köməyə və səmərəli əməkdaşlığa görə Azərbaycan tərəfinə minnətdarlığını bildirərək, iki ölkə arasındakı dostluq münasibətlərinin bundan sonra da genişlənəcəyinə əminliyini söyləmişdir. O, Bakıda fəaliyyət göstərdiyi dövr ərzində Azərbaycanın və onun dövlətçiliyinin inkişafının əyani şahidi olduğunu bildirmişdir.
Nazir Elmar Məmmədyarov Almaniya ilə Azərbaycan arasındakı dostluq münasibətlərinin və işgüzar əlaqələrin möhkəmlənməsi və genişlənməsinə, ölkələrimizin səmərəli əməkdaşlığının davam etdirilməsinə tərəfdar olduğunu vurğulamışdır. O, Ermənistan-Azərbaycan, Dağlıq Qarabağ münaqişəsi məsələsinə toxunaraq, bu problemin həlli ilə bağlı beynəlxalq təşkilatlar çərçivəsində aparılan müzakirələrdə ərazi bütövlüyü, dövlət suverenliyi və sərhədlərin toxunulmazlığı prinsiplərinin əsas götürülməsinin vacibliyini qeyd etmişdir.
Nazir səfirə bundan sonrakı fəaliyyətində uğurlar arzulamışdır.
Bölmənin digər xəbərləri
