“XƏZƏR HƏFTƏSİ”NƏ START VERİLMİŞDİR
Bakı, 28 sentyabr (AZƏRTAC). Ekologiya və Təbii Sərvətlər Nazirliyi tərəfindən “Xəzər həftəsi”nə start verilmişdir.
Sentyabrın 28-də nazirliyin təşkilatçılığı ilə Buzovna qəsəbəsinin sahil zolağında iməcilik keçirilmişdir.
İməcilikdə nazirliyin əməkdaşları ilə birgə bələdiyyə, ictimaiyyət, QHT nümayəndələri, o cümlədən məktəblilər də iştirak etmiş və Buzovna-Mərdəkan çimərlikləri arasındakı 52 hektar ərazini bərk məişət və digər növ tullantılardan təmizləmişlər.
Qeyd edək ki, nazirlik müvafiq Tədbirlər Planına uyğun olaraq “Xəzər həftəsi” çərçivəsində ictimaiyyətin maarifləndirilməsinə xidmət edən mədəni-kütləvi tədbirləri davam etdirəcəkdir.
######
Bölmənin digər xəbərləri
