Xırdalanda evdən oğurluq edilib
Bakı, 18 sentyabr, AZƏRTAC
Xırdalanda evlərin birindən 5 min manat dəyərində məişət əşyaları oğurlanıb.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib. Bildirilib ki, Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində Xırdalan şəhərindəki evlərin birindən 5 min manat dəyərində məişət əşyaları oğurlamaqda şübhəli bilinən şəhər sakini, əvvəllər də oğurluq və narkotiklərlə əlaqəli cinayətlərə görə məhkum olunmuş Mahmud Mahmudov müəyyən olunaraq saxlanılıb.
Sumqayıt Şəhər Polis İdarəsinin 5-ci Polis Bölməsi əməkdaşlarının keçirdikləri əməliyyat tədbiri nəticəsində şəhər sakini olan bir nəfərin bank kartından hesabındakı 2 min 743 manatını oğurlamaqda şübhəli bilinən Bakı şəhər sakini Məhəmməd Məmmədov müəyyən olunaraq saxlanılıb.
Hər iki fakt üzrə araşdırma aparılır.
Bölmənin digər xəbərləri
