Xocalı qan yaddaşımızdır
Bak, 25 fevral (AZƏRTAC). Fevralın 25-də Azərbaycan Milli Elmlər Akademiyasının Kimya Problemləri İnstitutunda Xocalı soyqırımı ilə bağlı anma mərasimi keçirilmişdir.
Akademiyadan AZƏRTAC-a bildirmişlər ki, əvvəlcə soyqırımı qurbanlarının xatirəsi bir dəqiqəlik sükutla yad edilmişdir.
İnstitutun həmkarlar ittifaqı komitəsinin sədri, kimya üzrə elmlər doktoru Arif Əfəndiyev Azərbaycan xalqının tarixi torpaqlarından qovulduğunu, qaçqına, məcburi köçkünə çevrildiyini və bütün bunların ermənilər tərəfindən kütləvi qırğınlarla müşayiət olunduğunu qeyd etmişdir.
İnstitutun Gənc Alim və Mütəxəssislər Şurasının sədri Faiq Məmmədov beynəlxalq təşkilatlar, dünya dövlətlərinin parlamentləri tərəfindən Ermənistanın Azərbaycan torpaqlarında törətdiyi hərbi cinayətə - Xocalı soyqırımına əsl soyqırımı hadisəsi kimi siyasi-hüquqi qiymət verilməsinin zəruriliyini bildirmişdir.
Bölmənin digər xəbərləri
