YAPONİYANIN DA BORCU VAR
AZƏRTAC-ın İTAR-TASS agentliyindən aldığı xəbərə görə, 2003-cü ilin sentyabrınadək Yaponiyanın dövlət borcu astronomik məbləğə - 655,68 trilyon yenə (6 trilyon dollardan yuxarı) çataraq, üç ayda, demək olar, 100 milyard dollar artmışdır. Bu məlumatı ölkənin Maliyyə Nazirliyi açıqlamışdır.
Beləliklə, Yaponiyada adambaşına təxminən 50 min dollar xarici borc düşür. Borcların əsas hissəsi – 4 trilyon dollardan çoxu dövlət istiqrazları ilə bağlıdır. Nazirliyin proqnozlarına görə, hökumətin qənaət rejimi tətbiq edilməsi üçün göstərdiyi səylərə baxmayaraq, bu məbləğ il yarımdan sonra təqribən 400 milyard dollar artacaqdır.
Bölmənin digər xəbərləri
