Yardımlıda əhalinin sayı artıb
Yardımlı, 5 noyabr, İlkin Adıyev, AZƏRTAC
Yardımlı rayonunda əhalinin ümumi sayı 0,6 faiz artaraq oktyabr ayının 1-i vəziyyətinə 69,9 min nəfərə çatıb.
Rayon Statistika İdarəsindən AZƏRTAC-ın bölgə müxbirinə bildirilib ki, əhalinin 11,2 faizi şəhər, 88,8 faizi isə kənd sakinləridir.
Cari ilin 9 ayında 994 nəfər uşaq dünyaya gəlib, 231 ölüm halı qeydə alınıb, əhalinin təbii artımı 763 nəfər olub.
Ədliyyə Nazirliyinin rayon (şəhər) qeydiyyat şöbələri tərəfindən 398 nikah və 31 boşanma halı rəsmiləşdirilib.
Qeyd edək ki, 2022-ci ilin 9 ayında Lənkəran-Astara iqtisadi rayonu üzrə ən yüksək demoqrafik göstəricilər Yardımlı rayonunda qeydə alınıb.
Bölmənin digər xəbərləri
