YAŞAR SƏFƏROVUN YARADICILIQ GECƏSİ
AZƏRTAC xəbər verir ki, M.Şəhriyar adına Sarayda Azərbaycan vokal sənətinin istedadlı nümayəndələrindən biri, əməkdar artist, Prezident təqaüdçüsü Yaşar Səfərovun anadan olmasının 65 illiyinə həsr olunmuş yaradıcılıq gecəsi keçirilmişdir. İncəsənət xadimlərinin, ictimaiyyət nümayəndələrinin iştirak etdiyi gecədə xalq artistləri Elmira Rəhimova, Teymur Mustafayev, Zaur Rzayev, Prezident təqaüdçüsü, şair Ramiq Muxtar və başqaları Yaşar Səfərovun yaradıcılığından danışaraq, əlamətdar gün münasibətlə onu təbrik etmişlər. Əhsən Dadaşov adına xalq çalğı alətləri ansamblının müşayiəti ilə Y.Səfərov repertuarına daxil olan mahnıları ifa etmiş, gecənin təşkilatçılarına və iştirakçılarına təşəkkürünü bildirmişdir.
Bölmənin digər xəbərləri
