REGİONLAR
Yevlax və Gəncədə sahibkarlar üçün seminar keçirilib
Bakı, 21 noyabr, AZƏRTAC
Yevlax şəhərində Aran Regional İnkişaf Mərkəzində və Gəncədə İqtisadiyyat Nazirliyinin İstehlak Mallarının Ekspertizası Mərkəzinin təşkilatçılığı ilə "Mənşə ekspertizalarının mahiyyəti, prosedurları və ixrac zamanı güzəştlərin tətbiqi" mövzusunda seminar keçirilib.
İqtisadiyyat Nazirliyinin mətbuat xidmətindən AZƏRTAC-a bildiriblər ki, sahibkarların maarifləndirilməsi məqsədilə keçirilən seminarda mənşə ekspertizaların aparılması qaydaları, ixrac proseduru, ixrac zamanı güzəştlər barədə məlumat verilib, sahibkarları maraqlandıran suallar cavablandırılıb.
Qeyd edək ki, növbəti seminarlar Şəki, Xaçmaz, Cəlilabad, Sumqayıt və Bakı şəhərində keçiriləcək.