Yevlaxda yeni meşələr salınır
Yevlax, 23 noyabr (AZƏRTAC). Yevlax rayonunda meşələrin mühafizəsi və bərpası daim diqqət mərkəzində saxlanılır.
Yevlax Rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, cari ilin yaz mövsümündə 33 hektar sahədə yeni meşələr salınmış, 52 hektar meşələrdə bərpa işləri aparılmışdır. Kökləndirmək üçün 1 hektar sahədə 40 min qələm basdırılmış, 1,5 hektarda (60 min ədəd) böyütmə sahəsi yaradılmışdır. 1,7 hektar sahədə toxum səpilmiş, 550 kiloqram toxum tədarük edilmişdir.
Noyabrın 1-dən yeni meşə əkinlərinə başlanılmışdır. İlin sonunadək daha 57 hektarda tut, göyrüş, akasiya, ağcaqayın, iydə və digər ağaclardan ibarət yeni meşələrin salınması, 1 hektarda böyütmə sahəsi yaradılması, 1,8 hektarda toxum səpilməsi nəzərdə tutulmuşdur.
Bölmənin digər xəbərləri
