YUNİFEM-İN YENİ TƏŞƏBBÜSÜ
Birləşmiş Millətlər Təşkilatının Qadınların Mənafeyi Naminə İnkişaf Fondu (YUNİFEM) “Qadınlar Cənubi Qafqazda münaqişələrin aradan qaldırılması və sülh yaradılması uğrunda” regional layihəsi çərçivəsində qadınların “Koalisiya-1325” adlı yeni koalisiyasını yaratmaq təşəbbüsü ilə çıxış etmişdir.
BMT-nin Azərbaycandakı ofisində Milli Məclisi, dövlət orqanlarını, qeyri-hökumət təşkilatlarını və siyasi partiyaları təmsil edən 22 qadının iştirakı ilə yığıncaq keçirilmişdir. Yığıncaq iştirakçıları sülh və əmin-amanlıq yaradılmasında qadınların rolu haqqında BMT Təhlükəsizlik Şurasının 1325 nömrəli qətnaməsi əsasında koalisiya yaratmaq barədə YUNİFEM-in təşəbbüsünü dəstəkləmişlər. Qeyd olunmuşdur ki, koalisiya Qətnamənin təbliğinə, habelə milli, regional və beynəlxalq münaqişələrin aradan qaldırılmasında qadınların rolunun artmasına kömək edəcəkdir. Bu məqsədlə xarici ölkələrdə analoji məsələlərlə məşğul olan qadınlarla əməkdaşlıq yaradılacaqdır.
Bölmənin digər xəbərləri
