YUNİSEF XƏBƏRDARLIQ EDİR
AZƏRTAC-ın xüsusi müxbiri xəbər verir ki, BMT-nin Uşaqlara Beynəlxalq Yardım Fondunun - YUNİSEF-in Köln şəhərindəki mərkəzinin “Dünya uşaqlarının həyat tərzi və qarşıda duran vəzifələr” barədə illik hesabatında təşvişlə vurğulanır ki, dünyada aclıq, ehtiyac içərisində yaşayan və məcburən səfil həyat sürən uşaqların sayı durmadan artmaqdadır. Beynəlxalq təşkilatın uşaqların inkişafı və yaşayışının yaxşılaşdırılması istiqamətində həyata keçirdiyi maddi və mənəvi dəstək proqramlarının uğurlarına baxmayaraq, dünyada uşaqların ağır, acınacaqlı həyat tərzi təhlükəsi dəyişməz olaraq qalmaqdadır.
İllik hesabatda təşvişlə xəbərdarlıq edilir ki, hesablamalara görə, indi yer kürəsində 2 milyondan artıq uşaq və yeniyetmə zorla dəhşətli bir “peşəyə” - fahişəliyə cəlb olunmuşdur. 73 milyon uşaq aclıq və səfalət ucbatından 10 yaşından başlayaraq işləməyə məcburdur, 8,4 milyon uşaq və yeniyetmə “qul və muzdur” kimi istismar olunur.
Bölmənin digər xəbərləri
