YUNİSEF XƏBƏRDARLIQ EDİR
AZƏRTAC-ın xüsusi müxbiri xəbər verir ki, BMT-nin Uşaqlara Beynəlxalq Yardım Fondu - YUNİSEF-in Almaniyanın Köln şəhərindəki mərkəzinin Dünya Uşaqlar günü münasibətilə planetimizdə uşaqların durumu barədə məlumatında bildirildiyi kimi, yer kürəsində 2,1 milyard uşaq və yeniyetmə hələ də ehtiyac içində və səfil vəziyyətdə yaşamaqdadır.
Hesablamalara görə, bu gün dünyada 2 milyondan artıq uşaq və yeniyetmə dəhşətli “peşəyə” - fahişəliyə cəlb olunmuş, 74 milyon uşaq aclıq və səfalət ucbatından 9-10 yaşlarından məcburi əməyə qatılmış, inkişafda geri qalan ölkələrdə 9 milyona qədər uşaq qul və ya muzdur vəziyyətində istismar olunur.
Məlumatda, həmçinin bildirilir ki, Almaniya kimi iqtisadi cəhətdən inkişaf etmiş ölkədə də ehtiyac və səfalət içərisində yaşayan uşaqların sayı durmadan artmaqda davam edir. Hesablamalara görə, hazırda Almaniyada 2,5 milyon uşaq dövlətin sosial yardımı hesabına yaşayır.
Bölmənin digər xəbərləri
