ZƏLZƏLƏ FRANSANI DA SİLKƏLƏYƏ BİLƏR
Paris, 13 aprel ( AZƏRTAC ). İtaliyada çoxsaylı insan tələfatına və böyük dağıntılara səbəb olmuş zəlzələ Fransanı da silkələyə bilər. Bu fikri Strasburqdakı seysmik fəaliyyəti öyrənən institutun əmkdaşı bildirmişdir. Onun sözlərinə görə, Fransanın bir sıra bölgələri seysmik zonada yerləşir və ölkədə dəfələrlə zəif yeraltı təkanları qeydə alınmışdır.
1909-cu il iyunun 11-də Fransanın Buş dü Ron departamentinin Lambeks şəhəri yaxınlığında baş vermiş zəlzələ bu yaxınlarda İtaliyadakı zəlzələdən zəif olsa da, 46 insanın həyatına son qoymuş, on minlərlə insanın yaralanmasına səbəb olmuşdu.
Fransnın Alzas bögəsi və Ot-Reyn departamenti zəlzələyə daha çox məruz qalan ərazilər hesab edilir.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
