İDMAN


Türkiyə Superliqası: "Fənərbağça" səfərdə "Ərzurumspor"a minimal hesabla qalib gəlib

Bakı, 20 may, AZƏRTAC

Mayın 20-də futbol üzrə Türkiyə Superliqasının XXXIII turuna yekun vurulub.

AZƏRTAC xəbər verir ki, turun son oyunlarında "Ərzurumspor" və "Ankaragücü" öz meydanlarında müvafiq olaraq "Fənərbağça" və “Sivasspor”la üz-üzə gəliblər.

"Kazım Qarabəkir" stadionunda keçirilən "Ərzurumspor" – “Fənərbağça” görüşü gərgin hücumlarla yadda qalsa da, birinci hissədə qapılara qol vurulmayıb. İkinci hissəyə fəal başlayan İstanbul təmsilçisi görüşün 59-cu dəqiqəsində Viktor Mozesin penalti zərbəsindən vurduğu qol sayəsində hesabda önə keçib – 0:1. Oyun elə bu hesabla başa çatıb.

Ankarada keçirilən "Ankaragücü" - "Sivasspor" matçında isə meydan sahibləri 3:1 hesabı ilə qalib gəliblər.

Qeyd edək ki, “Qalatasaray” sona bir tur qalmış çempionluğunu rəsmiləşdirib. "Fənərbağça" isə 43 xalla 8-ci pillədə qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.