İDMAN


“Beşiktaş” komandası Almaniya klubunda çıxış edən futbolçunu heyətinə cəlb etməyi planlaşdırır

Bakı, 20 avqust, AZƏRTAC

Türkiyənin “Beşiktaş” klubu Almaniyanın “Şalke” komandasında çıxış edən Yevgeni Konoplyankanı heyətinə cəlb etməyi planlaşdırır.

AZƏRTAC Türkiyə mətbuatına istinadla xəbər verir ki, İstanbul təmsilçisi həm klubla, həm də ukraynalı yarımmüdafiəçi ilə razılıq əldə edib. İstanbul komandasının bu transfer üçün “Şalke”yə üç milyon avro ödəyəcəyi bildirilir.

İyirmi doqquz yaşlı oyunçu ilə dördillik müqavilə imzalanacağı nəzərdə tutulur. O, “Beşiktaş”da illik 2,5 milyon avro maaş alacaq.

Qeyd edək ki, peşəkar karyerasına “Dnepr”də başlayan futbolçu 2015-ci ildə “Sevilya”ya transfer olub. Y.Konoplyanka sonradan 12 milyon avroya Almaniyanın “Şalke” komandasına keçib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.