DÜNYA


Gürcüstanda silahlı şəxs bank şöbəsində girovlar götürüb

Bakı, 21 oktyabr, AZƏRTAC

Zuqdidi şəhərində silahlı şəxs Gürcüstan Bankının yerli şöbəsindəki insanları girov götürüb.

AZƏRTAC Gürcüstan telekanallarına istinadla xəbər verir ki, girovlar arasında həm bankın əməkdaşları, həm də müştəriləri var.

Hazırda xüsusi əməliyyat keçirilir. Hadisə yerinə xüsusi təyinatlılar gəlib.

“Rustavi 2” telekanalının məlumatına görə, bankın filialında 30 nəfərədək insan var. Onları girov götürən şəxsin qumbara və avtomatla silahlandığı bildirilir.

Respublikanın Baş Naziri Georgi Qaxariyanın sözlərinə görə, cinayətkar təkbaşına fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.