Britaniyada dəri xərçənginə qarşı yeni peyvənd sınaqdan keçirilir
London, 26 aprel, AZƏRTAC
Böyük Britaniyada dəri xərçənginin ölümcül növlərindən biri olan melanomaya qarşı dünyanın ilk fərdiləşdirilmiş peyvəndinin sınaqları aparılır.
AZƏRTAC xəbər verir ki, 52 yaşlı Stiv Yanq yeni peyvəndi sınaqdan keçirən ilk xəstələrdən biri olub.
London Universitet Kolleci Xəstəxanasının həkimləri bildirib ki, mRNA-4157 adlı peyvəndin tərkibi fərdi xəstəyə uyğun olaraq dəyişdirilir. O, xəstədəki xərçəng xəstəliyinin unikal genetik imzasına uyğunlaşdırılır və orqanizmdə yalnız həmin xərçəng hüceyrələrində olan markerlərə və ya antigenlərə hücum edən zülallar və ya antikorlar yaratmağı kömək göstərir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
