Çexiyada Senata seçkilərin ikinci turu keçirilir

16.10.2026 [18:23]
Çap et
A⁺ A^-

Praqa, 16 oktyabr, AZƏRTAC

Çexiyada Senata seçkilərin ikinci, həlledici turu keçirilir.

AZƏRTAC xəbər verir ki, səsvermə nəticəsində parlamentin yuxarı palatasındakı yerlərin üçdə birinin taleyi müəyyənləşəcək. Seçkilərin bu mərhələsində birinci turda qalib gələn beş senator artıq mandat qazanıb.

İkinci tura hakim ANO partiyasının 13 namizədi yüksəlib. Müxalifətdə isə “Merlər və müstəqillər” partiyası 12 namizədlə təmsil olunur. Vətəndaş Demokratik Partiyasından doqquz, xristian demokratlardan isə iki namizəd mübarizəni davam etdirir.

Seçki məntəqələri cümə günü saat 14:00-da açılıb. Səsvermə saat 22:00-dək, şənbə günü isə saat 08:00-dan 14:00-dək davam edəcək.

Ekspertlər ikinci turda seçici fəallığının əhəmiyyətli dərəcədə az olacağını proqnozlaşdırırlar.

_{Vüqar Seyidov}

_{AZƏRTAC-ın xüsusi müxbiri}

_Praqa