SİYASƏT


Mariya Zaxarova: Rusiya sərhədlərin delimitasiyası ilə bağlı Azərbaycana və Ermənistana kömək etməyə hazırdır

Moskva, 25 may, AZƏRTAC

Rusiya sərhədlərin delimitasiyası ilə bağlı Azərbaycana və Ermənistana kömək etməyə hazırdır.

AZƏRTAC xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova sərhədlərin delimitasiyası üzrə ikitərəfli Ermənistan-Azərbaycan komissiyasının ilk iclası ilə bağlı sualı cavablandırarkən bildirib.

“Biz dəfələrlə demişik ki, Rusiya Ermənistan-Azərbaycan sərhədinin delimitasiyası üzrə ikitərəfli komissiyanın işinə məsləhətçi yardım göstərməyə hazırdır. Bu, 2021-ci il noyabrın 26-da Soçi sammitinin yekunu üzrə üç ölkə liderinin bəyanatında qeyd olunub və bütün təmaslarda dəfələrlə təsdiqlənib”, - deyə o qeyd edib.

M.Zaxarova vurğulayıb ki, Rusiya postsovet məkanında delimitasiya və sərhəd mübahisələrinin həlli sahəsində nadir ekspert potensialına malikdir. "Bizim ixtiyarımızda lazımi kartoqrafiya materialları var", - deyə Rusiya Xarici İşlər Nazirliyinin nümayəndəsi əlavə edib.

Onun sözlərinə görə, Rusiya komissiyanın fəaliyyəti çərçivəsində öz təcrübəsini Azərbaycan və Ermənistanla bölüşməyə hazırdır. M.Zaxarova vurğulayıb ki, artıq məsləhətçi yardım göstərmək üçün rusiyalı ekspertlərdən ibarət komanda formalaşdırılıb.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.