DÜNYA


Avropa İttifaqında hava yolu ilə səyahət edənlərin sayı 35 faiz artıb

Avropa İttifaqında hava yolu ilə səyahət edənlərin sayı 35 faiz artıb

Roma, 8 dekabr, AZƏRTAC

Avropa İttifaqında (Aİ) 2021-ci ildə hava yolu ilə səyahət edən sərnişinlərin sayı əvvəlki ilə nisbətən 35 faiz artıb.

AZƏRTAC xəbər verir ki, Avropa Statistika Bürosu (“Eurostat”) 2020-ci ildə COVID-19 epidemiyasının ciddi şəkildə təsir göstərdiyi aviasiya sektorunun ötən il bərpa olunduğunu bildirib. Belə ki, 2021-ci ildə Avropa İttifaqı ölkələrində hava yolu ilə səyahət edən sərnişinlərin sayı əvvəlki ilə nisbətən 35 faiz artaraq 373 milyona çatıb. Səfərlərin 39 faizi Avropa İttifaqı xaricinə, 38 faizi ittifaqa üzv ölkələr arasında, 23 faizi isə Aİ ölkələrinin daxili marşrutlarında həyata keçirilib.

Qeyd edək ki, pandemiyadan əvvəl, 2019-cu ildə Avropa İttifaqı ölkələrində hava yolu ilə səyahət edənlərin sayı 1 milyardı ötüb.

 
Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.