“AzMUN” proqramı çərçivəsində yaradılmış BSU-nun BMT Modeli klubu fəaliyyətə başlayıb

Bakı, 31 mart, AZƏRTAC

Azərbaycan Tələbə Gənclər Təşkilatları İttifaqı tərəfindən Gənclər və İdman Nazirliyi, Gənclər Fondu və BMT-nin Azərbaycandakı Nümayəndəliyinin tərəfdaşlığı ilə həyata keçirilən "AzMUN” proqramı çərçivəsində yaradılmış Bakı Slavyan Universitetinin (BSU) BMT Modeli klubu fəaliyyətə başlayıb.

AZƏRTAC Gənclər və İdman Nazirliyinin saytına istinadla xəbər verir ki, klub tərəfindən BMT orqanlarının simulyasiyaları həyata keçiriləcək, eyni zamanda, tələbələr həm müxtəlif ölkələri, həm də beynəlxalq təşkilatları təmsil edərək müxtəlif mövzularda debatlar və müzakirələr aparacaqlar.