COP31: “Yaşıl” və “Mavi” zonalara maraq olduqca böyükdür VİDEO
Antalya, 16 noyabr, AZƏRTAC
Antalyada Birləşmiş Millətlər Təşkilatının İqlim Dəyişmələri üzrə Çərçivə Konvensiyasının 31-ci Tərəflər Konfransı (COP31) sessiyası çərçivəsində yaradılan “Yaşıl” və “Mavi” zonalara maraq olduqca böyükdür.
AZƏRTAC xəbər verir ki, iqlim dəyişmələri ilə mübarizə və dayanıqlılıq mövzularında müzakirələrin və sərgilərin keçirildiyi ümumi ictimai platforma olan “Yaşıl” zonaya ilk altı gün ərzində 221 min 326 nəfərin daxil olduğunu bildirən BMT nümayəndələri, rəsmi konfrans, danışıqlar və qərarların qəbul olunduğu əsas sahədə də 102 min 610 nəfərin qeydiyyatdan keçdiyini qeyd ediblər.
Danışıqlar günün mövzusuna uyğun olaraq “Mavi” zonada aparılsa da, bir çox flaqman layihələr, o cümlədən Türkiyənin “Sıfır tullantı” təşəbbüsü “Yaşıl” zonada nümayiş etdirilir.
Proqram çərçivəsində 1500-dən çox panel keçirilir.