DÜNYA


ABŞ aeroportlarında Nəqliyyat Təhlükəsizliyi Administrasiyasının yüzlərlə əməkdaşı işə çıxmır

Vaşinqton, 7 yanvar, AZƏRTAC

İki həftədən çoxdur ki, ABŞ-da “şatdaun” vəziyyəti davam edir – ABŞ hökumətinin və dövlət müəssisələrinin işi müvəqqəti dayandırlıb. ABŞ Nəqliyyat Təhlükəsizliyi Administrasiyasının Amerika aeroportlarının təhlükəsizliyini təmin edən və “şatdaun”un təsirinə məruz qalmış on minlərlə işçisinə əməkhaqqı ödənilməyib. Yüzlərlə işçi kütləvi şəkildə xəstəlik vərəqələri almağa və işə çıxmamağa başlayıb. Xəstəlik vərəqələrinin sayı artacağı halda aviasiya sektorunda böhranlı vəziyyət yarana bilər. Nəticədə reyslərin gecikməsi və başqa problemlər mümkündür.

AZƏRTAC ABŞ Nəqliyyat Təhlükəsizliyi Administrasiyasının tvitter səhifəsinə istinadla bildirir ki, təhlükəsizlik əməkdaşlarının işdən çıxması və xəstəlik vərəqələri almasına görə sərnişinlərin aeroportda baxışdan keçməsi üçün gözləmə müddəti artır. Amerika KİV-lərində bildirilir ki, Nyu-Yorkdakı Con F.Kennedi aeroportunda, Dallas-Fort-Uert beynəlxalq aeroportunda, habelə Şimali Karolina ştatındakı Şarlott və Roli-Darem aeroportlarında xüsusilə mürəkkəb vəziyyət yaranıb.

 

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.