SİYASƏT


ABŞ-ın NATO-dakı səfiri: Qarabağ məsələsini Azərbaycanın sərhədləri çərçivəsində həll etmək lazımdır

Bakı, 22 oktyabr, AZƏRTAC

ABŞ-ın NATO-dakı səfiri Key Beyli Hatçison virtual keçirilən mətbuat konfransında jurnalistlərə bildirib ki, Alyans da ABŞ və Rusiyanın etdiklərini təkrarlamağa, yəni Dağlıq Qarabağda münaqişəni dayandırmağa cəhd göstərir.

AZƏRTAC bu barədə xarici KİV-lərə istinadla xəbər verir.

Beyli Hatçison deyib ki, bu problem 30 ildir uzanır. ABŞ-ın, Rusiyanın və Fransanın həmsədrləri olduğu Minsk qrupu münaqişəni ilkin mərhələyə, yəni Azərbaycanın suveren sərhədləri çərçivəsinə qaytarmaq istəyir. Bunu həll etmək mümkündür və o halda münaqişə başa çatacaq.

Bununla belə, “biz hər iki tərəfi zorakılığı dayandırmaq, qətli dayandırmaq yollarını müzakirə etməyə çağırırıq”, - deyən səfir sonda bildirib: “Bu münaqişə hərbi yolla həll oluna bilməz. Bunu sərhədlər və suverenitet çərçivəsində həll etmək lazımdır. Biz buna çalışırıq, Rusiya və Fransa da bunda israrlıdır”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.