ELM VƏ TƏHSİL
ADPU-nun tələbələri təhsildə qiymətləndirmə barədə məlumatlandırılıb
Bakı, 30 noyabr, AZƏRTAC
Azərbaycan Dövlət Pedaqoji Universitetinin (ADPU) prorektoru Könül Pirverdiyevanın dəvəti ilə “SABAH magistratura” ixtisaslaşmasının "Təhsil siyasəti" və "Təhsildə liderlik" dərslərində Dövlət İmtahan Mərkəzinin Strateji inkişaf şöbəsinin müdiri Vəli Hüseyn qonaq spiker qismində iştirak edib.
ADPU-dan AZƏRTAC-a bildirilib ki, "Qiymətləndirmə siyasəti" mövzusunda geniş təqdimat edən Vəli Hüseyn, həmçinin ABŞ və Böyük Britaniyanın təhsil təcrübəsindən danışıb, tələbələri maraqlandıran sualları cavablandırıb.
Seminarda təhsildə qiymətləndirmə və monitorinq ixtisaslaşması üzrə təhsil alan magistrantlar da iştirak ediblər.