CƏMİYYƏT


Aİ “Avropa Gənclər İli” ilə əlaqədar keçirilən kampaniyaya start verib

Bakı, 5 oktyabr, AZƏRTAC

Avropa İttifaqı (Aİ) koronavirus pandemiyası dövründə gənclərin payına düşmüş sıxıntı və itkilərin etiraf rəmzi olaraq 2022-ci ili "Gənclər İli" elan edib. Aİ-nin Azərbaycandakı Nümayəndəliyi “Avropa Gənclər İli”ni (2022) qeyd etmək məqsədilə regionun bütün qonşu ölkələrinə qoşularaq bir ay davam edəcək kampaniyaya start verib.

AZƏRTAC xəbər verir ki, bu sözləri Avropa İttifaqının ölkəmizdəki nümayəndəliyinin rəhbəri, səfir Peter Mixalko Azərbaycanda keçiriləcək “Avropa Gənclər İli”nə həsr olunmuş mətbuat konfransında söyləyib.

O bildirib ki, Azərbaycanla möhkəm tərəfdaşlıq çərçivəsində Avropa İttifaqı gənclər üçün olduqca müşkül keçən iki ildən sonra təhsil və məşğulluq sahələrində bərabər imkanların dəstəklənməsinə nail olmaq niyyətindədir. Aİ-nin məqsədi siyasət və proqramlar vasitəsilə gənclərin cəmiyyətin bütün sahələrində iştirakına, onların təhsil və əmək bazarında daha çox imkanlar qazanmasına şərait yaratmaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.