AZƏRBAYCANLI ALİM ABI-NİN MÜKAFATINA LAYİQ GÖRÜLMÜŞDÜR

Bu günlərdə BDU-nun Kitabxanaçılıq-informasiya fakültəsinin kitabxanaşünaslıq kafedrasının müdiri, Əməkdar elm xadimi, tarix elmləri doktoru, professor Abuzər Xələfov elm, təhsil və mədəniyyət sahəsində xidmətlərinə görə Amerika Bioqrafiya İnstitutunun “Görkəmli liderlərin beynəlxalq soraq kitabı”nın 11-ci nəşrinin nominantı seçilərək, İnstitutun fərmanına və qızıl medalına layiq görülmüşdür.

Yüksək poliqrafik keyfiyyətlə və böyük tirajla çap olunan “Görkəmli liderlərin beynəlxalq soraq kitabı” dünyanın bir çox kitabxanalarına paylanır. Professor Abuzər Xələfovun adı bu kitabın 2002-ci ildə işıq üzü görəcək 11-ci nəşrinə daxil ediləcəkdir.