ELM VƏ TƏHSİL
“AZƏRBAYCAN NEFTİNİN DÜNƏNİ, BU GÜNÜ VƏ SABAHI” MÖVZUSUNDA SƏRGİ AÇILMIŞDIR
AZƏRTAC xəbər verir ki, sentyabrın 29-da Milli Elmlər Akademiyasının Mərkəzi Elmi Kitabxanasında (MEK) “Azərbaycan neftinin dünəni, bu günü və sabahı” mövzusunda virtual kitab sərgisi açılmışdır.
Bu münasibətlə təşkil olunmuş tədbirdə kitabxananın direktoru, Aybəniz Əliyeva-Kəngərli çıxış edərək, sərgidə neft sənayesinin inkişafını, neftçilərimizin uğurlarını və Azərbaycan neftinin tarixini, keçdiyi inkişaf yolunu, əsrin müqaviləsini və ondan sonra bağlanan müqavilələri, Heydər Əliyev adına Bakı-Tbilisi-Ceyhan əsas neft ixrac boru kəməri barədə məlumatları əks etdirən 1000-dən artıq kitab və digər materiallar nümayiş olunduğunu bildirmişdir.
Akademik Bəkir Nəbiyev, professor Abuzər Xələfov və başqaları çıxış edərək sərginin əhəmiyyətini yüksək qiymətləndirmişlər.
Sonra Azərbaycanın neft tarixini əks etdirən film göstərilmişdir.