AZƏRBAYCAN VOLEYBOLÇULARI “BAHAR KUBOKU” YARIŞLARININ YARIMFİNALINA ÇIXMIŞDIR

Çexiyanın Brno şəhərində “Bahar kuboku” uğrunda keçirilən beynəlxalq turnirdə Azərbaycanın voleybol üzrə yığma qadın komandası dörddə bir final görüşündə ispaniyalı rəqiblərini üç hissədə məğlub etmişdir.

Xəbər verdiyimiz kimi, yığma komandamız yarımqrupda birinci yeri tutmuşdu. O, turnirin sponsorları tərəfindən yaradılmış “Qala ulduzları” komandasına, Danimarka və Slovakiya voleybolçularına qalib gəlmişdir.

Azərbaycan Voleybol Federasiyasından AZƏRTAC-ın müxbirinə bildirmişlər ki, Faiq Qarayevin yetirmələri yarımfinalda Belarus yığması ilə görüşəcəklər.