CƏMİYYƏT


Ağ ayılar Yeni Torpaq arxipelaqındakı qəsəbəni tərk ediblər

Bakı, 19 fevral, AZƏRTAC

Ağ ayılar Yeni Torpaq arxipelaqındakı Beluşya quba qəsəbəsinin ətrafındakı əraziləri tamamilə tərk ediblər.

AZƏRTAC bu barədə Rusiya KİV-lərinə istinadla xəbər verir.

Fevralın 9-dan başlayaraq Yeni Torpaq arxipelaqında yaşayış məntəqələrinin ərazilərinə ağ ayıların hücumu səbəbindən fövqəladə vəziyyət rejimi elan edilib. Beluşya quba qəsəbəsi ərazisində 53 ağ ayı görünüb, heyvanların aqressiv davranışı, onların evlərə və xidməti yerlərə soxulması halları qeydə alınıb. Problemin aradan qaldırılması məqsədi ilə fevralın 14-də arxipelaqa “Rosprirodnadzor”un təşkil etdiyi alimlər və ekspertlər qrupu göndərilib.

Fövqəladə halların qarşısının alınması və onların nəticələrinin aradan qaldırılması üzrə yerli komissiya tərəfindən fevralın 19-u fövqəladə vəziyyət rejimi dayandırılıb. Ayıların qəsəbədən çıxmalarının səbəbi kimi onların gəzdikləri yerlərdə buzun əmələ gəlməsi və “çağırılmayan qonaqlar”ı yaşayış yerlərindən uzaqlaşdıran qrupun işi göstərilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.