REGİONLAR


Ağsuda könüllü gənclər arasında basketbol üzrə rayon turniri keçirilib

Ağsu, 25 sentyabr, AZƏRTAC

Sentyabrın 25-də Ağsuda “Könüllülər kuboku” proqramına daxil olan basketbol üzrə rayon turniri keçirilib.

AZƏRTAC-ın bölgə müxbiri xəbər verir ki, rayon gənclər və idman idarəsinin təşkilatçılığı ilə 16-29 yaşlı gənclər arasında keçirilən turnirdə 4 komandadan, ümumilikdə, 16 könüllü iştirak edib. Yarışlar COVID-19 pandemiyasına qarşı əsas müdafiə tədbirlərinə əməl edilməklə Ağsu Tədris Mərkəzində təşkil olunub.

Maraqlı idman mübarizəsi şəraitində keçən yarışlarda I yeri Ağsu şəhər A.Nadirov adına 1 nömrəli məktəb–liseyin, II və III yerləri isə müvafiq olaraq P.F.Mirzəyev adına şəhər 5 saylı tam orta məktəbin və S.Umbayev adına şəhər 2 saylı tam orta məktəbin könüllülərdən ibarət komandaları tutublar.

Qaliblərə rayon gənclər və idman idarəsinin diplomları verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.