DÜNYA


Alimlər “Piza” qülləsinin dayanıqlığının sirrini öyrənib

Bakı, 10 may, AZƏRTAC

İtaliyalı alimlər qrupu “Piza” qülləsinin çoxillik dayanıqlığının sirrini öyrənməyə nail olub.

AZƏRTAC xarici KİV-lərə istinadla xəbər verir ki, bu barədə məlumat “Bristol” universitetinin saytında yerləşdirilib.

Beş dərəcəlik mailliyinə baxmayaraq, 58 metrlik qüllə 1280-ci ildən bəri ən azı dörd güclü zəlzələyə tab gətirib. Landşaftın xüsusiyyətlərini və memarlıq fenomeninin quruluşunu tədqiq edən “Roma Tre” universitetinin alimləri qüllənin dayanıqlığının “qurğu-qrunt” dinamik əks-təsiri ilə bağlı effektlə təmin olunduğunu müəyyən ediblər.

Tədqiqatçıların fikrincə, qüllənin hündürlüyü və sərtliyi onun bünövrəsindəki yumşaq qrunta əks-təsir göstərir və bunun sayəsində memarlıq nümunəsi yeraltı təkanlar zamanı torpaqla rezonansa girmir.

Xatırladaq ki, qeyri-adi vəziyyətinə görə dünya şöhrəti qazanan “Piza” qülləsi “Duomo Santa Maria Assunta” kilsəsinin zəng qülləsidir. O, tikinti zamanı maili vəziyyət alıb, sonradan isə maillik bucağı qüllə sabitləşdirilənə qədər tədricən artıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.