SİYASƏT


Alxanlı sakini: Ordumuzdan qorxub geri çəkilən düşmən dinc əhalini hədəfə alsa da, kəndimizi tərk etməyi düşünmürük VİDEO

Füzuli, 2 oktyabr, Aydın Yavər, AZƏRTAC

Rəşadətli Azərbaycan Ordusunun qətiyyətli zərbələri nəticəsində sarsılaraq geri çəkilən Ermənistan silahlı qüvvələri dinc əhalini hədəfə almaq taktikasını seçir.

AZƏRTAC-ın cəbhə bölgəsinə ezam olunmuş müxbiri xəbər verir ki, düşmənin yaşayış məntəqələrimizə ağır artilleriya atəşi nəticəsində Füzuli rayonunun Alxanlı kəndində dağıntılar baş verib.

Kənd sakini Elbrus Babayev bildirib: “Biz sakinlər düşməndən qorxmuruq. Çünki əhali güclü Azərbaycan Ordusuna arxalanır, kəndimizi tərk etməyi düşünmür. Hərbçilərimizə gücü çatmayan düşmən dinc sakinləri hədəfə alır. İki gün əvvəl atılan top mərmilərindən biri də bu həyətə düşdü. Yaxınlıqdakı iki ev və bir avtomobil yararsız vəziyyətə düşüb. Kənddə digər ərazilərə də mərmilər atılıb, nəticədə xeyli evdə dağıntılar var. Amma biz doğma kəndimizdəyik. Ordumuz düşmənə ardıcıl zərbələr endirir və Ermənistan ordusunun bölmələri qaçmağa məcbur olur. İnanırıq ki, ən qısa zamanda bayrağımız Şuşada, Kəlbəcərdə, Laçında dalğalanacaq və qələbə bayramını əzəli torpaqlarımızda qeyd edəcəyik”.

Xüsusi vurğulamaq lazımdır ki, son döyüşlər zamanı təkcə Alxanlı kəndinə düşmən tərəfindən ağır artilleriyadan 50-ə yaxın mərmi atılıb. Nəticədə onlarla ev və təsərrüfat obyekti yararsız hala düşüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.