MƏDƏNİYYƏT


Əməkdar artist Qoçaq Əsgərov Bəhreyndə konsert verəcək

Bakı, 27 fevral, AZƏRTAC

Martın 4-də tanınmış xanəndə, Əməkdar artist Qoçaq Əsgərov Bəhreyndə konsert proqramı ilə çıxış edəcək. Konsertdə milli mahnılarımızla yanaşı, muğam və təsniflər də səsləndiriləcək. Bu barədə AZƏRTAC-a xanəndə özü məlumat verib.

Qoçaq Əsgərov deyib: “Bundan öncə Birləşmiş Ərəb Əmirliklərinin paytaxtı Əbu-Dabidə təqdim etdiyimiz konsert uğurlu oldu. Konsert çərçivəsində “Şur” muğamını ifa etməyim zalda böyük çoşqu ilə qarşılandı. Konserti izləyənlər arasında ərəb şeyxi və səfirliyimizin nümayəndələri də var idi. Konsertdə çoxsaylı musiqi janrları üzrə vokalist Pyer de Tregomən ilə mən ənənəvi muğam və açıq improvizasiyalardan ibarət orijinal repertuar təqdim etdik. Ümid edirəm ki, fransız həmkarımla birlikdə budəfəki konsertimiz də möhtəşəm alınacaq. Konsertdə bizi İbrahim Babayev (tar), Elnur Mikayılov (kaman), Əməkdar artist Kamran Kərimov (nağara) müşayiət edəcək”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.