CƏMİYYƏT


Amerikalı seysmoloqlar azərbaycanlı mütəxəssislərlə birgə təhlillər aparacaqlar

Bakı, 9 aprel, AZƏRTAC

ABŞ-ın Missuri Universitetinin professoru Erik Sandvol, elmi işçisi Utku Koçum və Miçiqan Dövlət Universitetinin geoloji elmlər şöbəsinin seysmoloji laboratoriyasının baş mühəndisi Daniel Burk Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzində (RSXM) olub.

Mərkəzin informasiya şöbəsindən AZƏRTAC-a verilən məlumata görə, RSXM-in baş direktoru, AMEA-nın müxbir üzvü Qurban Yetirmişli ilə görüşən qonaqlar daha sonra Monitorinq Mərkəzinə baş çəkiblər.

Səfərin məqsədi ABŞ seysmoloqları və RSXM-in “Qafqaz kəsilişi” birgə layihəsi ilə bağlı işlərin davam etdirilməsidir. Səfər çərçivəsində amerikalı seysmoloqlar RSXM-in cihazları ilə alınmış məlumatların emalı və analizinə dair yerli mütəxəssislərlə birgə təhlillər aparacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.